A continuación déixovos un par de fichas de creación propia que deseñei co fin de ensinar ao alumnado de 6º de Educación Infantil (5 anos) os pasos do método científico.

Descarga aquí as fichas en PDF

A primeira é un experimento con rampas. Para levalo a cabo construímos 3 rampas (con pezas dos xogos de construccións e tubos de papel de cociña), cada unha cunha inclinación diferente. Despois de observalas, cada alumno, na súa ficha individual, tiña que colorear a opción coa que creía que chegaría máis lonxe a canica. Unha vez feita a nosa hipótese, realizamos o experimento tirando unha canica por cada rampa. Medimos cada lanzamento cunha medida non convencional pero significativa para eles como son as pezas coas que realizan construccións e anotamos o resultado coloreando o número de bloques correspondente. Por último, comprobamos se a nosa hipótese foi acertada ou non.

A segunda é un experimento parecido ao primero pero, neste caso, con canicas de diferente peso e unha soa rampa. Primeiro medimos o peso das canicas cunha báscula de alimentos (unha pesou 14 e outra 7 gramos, polo que aproveitamos para reflexionar sobre qué número era máis grande e canta diferencia había) e predecimos cal das dúas chegará máis lonxe (coloreando cada un na súa ficha individual). Posteriormente tiramos unha vez cada canica pola rampa, medindo a distancia percorrida coas mismas pezas que no caso anterior. Para finalizar, comprobamos se a nosa hipótese foi acertada ou non.